Aileu, 12 Marsu 2026
Atu hametin fíziku no dezenvolve kbiit desportiva, estudante sira husi Eskola Ensinu Báziku Sentrál (EBC) Siklu 1, 2 no 3 Seloi Kraik, iha munisípiu Aileu, partisipa ativu iha atividade prátika atletizmu ne’ebé hala’o iha resintu eskola nian.
Atividade ne’e foka liu ba modalidade tolu ne’ebé sai baze ba desportu atletizmu nian, Korrida, Saltu no Lansamentu.
Manorin Desportu, Jaime Mendonça Pires esplika molok prátika hala’o uluk teoria iha aula laran no explika kada modalidade iha atletizmu nune’e estudante sira iha koñesimentu molok hala’o atividade prátika.
Manorin Edukasaun Fízika no Desportu, Jaime Mendonça Pires, esplika katak prosesu aprendizajen ne’e hala’o ho planeadu. Molok tama ba prátika, estudante sira simu uluk baze teoria iha sala-aula laran.
"Ita fó uluk kbiit teóriku ba estudante sira kona-ba regra no téknika bázika husi kada modalidade.
Ida-ne’e importante tebes nune’e sira iha koñesimentu ne’ebé loloos no evita risku kanek (injury) bainhira hala’o atividade prátika," dehan Jaime Pires.
Aleinde dezenvolvimentu fíziku, prátika atletizmu ne’e mós nu’udar estratéjia eskola nian hodi prepara estudante sira ba kompetisaun desportu eskolár iha futuru, tantu iha nível munisipál ka nasionál.
Atividade ne’e mós sai hanesan meiu ida hodi hanorin valór desportivizmu, servisu
hamutuk, no hametin saúde mentál estudante sira nian liuhusi movimentu fíziku ne’ebé
reguladu.
Parte eskola hein katak, ho prátika ne’ebé kontínua, EBC Seloi Kraik bele sai mós knua ba atleta foun ne’ebé bele reprezenta Munisípiu Aileu iha eventu desportivu sira-seluk.
[PORTU]
ESTUDANTES DA EBC SELOI KRAIK DESENVOLVEM TALENTO ATRAVÉS DA PRÁTICA DE ATLETISMO
Aileu, 12 de março de 2026 – Com o objetivo de reforçar a condição física e desenvolver capacidades desportivas, estudantes da Escola de Ensino Básico Central (EBC) dos ciclos 1, 2 e 3 de Seloi Kraik, no município de Aileu, participam ativamente em atividades práticas de atletismo realizadas no recinto escolar.
A atividade centra-se em três modalidades fundamentais do atletismo: corrida, salto e lançamento.
O professor de Desporto, Jaime Mendonça Pires, explicou que antes da realização das práticas é ministrada uma componente teórica em sala de aula, onde são apresentados os princípios e as características de cada modalidade, permitindo que os estudantes adquiram conhecimentos básicos antes de iniciarem as atividades no terreno.
Segundo o docente de Educação Física e Desporto, o processo de aprendizagem é realizado de forma planeada. Antes da prática, os estudantes recebem bases teóricas em contexto de sala de aula.
“Primeiro fornecemos aos estudantes conhecimentos teóricos sobre as regras e as técnicas básicas de cada modalidade. Isto é muito importante para que tenham uma compreensão correta e para evitar riscos de lesões durante a prática”, afirmou Jaime Pires.
Para além do desenvolvimento físico, a prática do atletismo constitui também uma estratégia da escola para preparar os estudantes para futuras competições desportivas escolares, tanto a nível municipal como nacional.
A atividade serve igualmente como meio para promover valores de desportivismo, trabalho em equipa e fortalecimento da saúde mental dos estudantes através da prática regular de atividade física.
A escola espera que, com uma prática contínua, a EBC Seloi Kraik possa também tornar-se um espaço de formação de novos atletas capazes de representar o município de Aileu em diversos eventos desportivos.
#MÉDIA-ME
#Jornalistas-Emílio & Sandro
