Iha loron-30, fulan-Maiu, tinan-2025, oras tuku 10:00 dader iha sala reuniaun PIMU, Projetu BEST ho koñesimentu husi Banku Mundial nian, hala’o ona serimónia entrega asset ba Ministériu Edukasaun, ho prezensa husi Diretora Nasional Ensinu Báziku sra. Estelita Soares, Vise-Prezidente INFORDEPE sra. Maria Madalena Lopes, Reprezentante husi Diretora-Jerál Planu, Polítika, Inkluzaun no Informátika, Xefe Departamentu IT, Xefe Departamentu Lojístika no reprezentante husi Diresaun no servisu relevante sira.
Entrega asset ida ne’e reprezenta Faze Primeira husi prosesu entrega asset sira husi Projetu BEST ba Ministériu Edukasaun.
Iha serimónia entrega ida-ne’e, Jestór Projetu BEST hatoo ba Diresaun no Servisu sira ne’ebé simu Tableta hirak ne’e, hodi assume responsabilidade nu’udar Timoroan, atu asegura kondisaun tableta hirak ne’e hodi utiliza ho responsabilidade nune’e bele tulun ita nia oan sira ne’ebé oras ne’e aprende hela iha eskola sira. Tableta hirak ne'e rejista ona nu’udar Partrimóniu Estadu.
Iha faze ida ne’e, foku ba entrega uluk tableta sira ba:
INFORDEPE – unidade 11
GALA – unidade 15
DNEB – EMULI – unidade 11
Stock iha IT – 122
Inklui lista tableta ne’ebé distribui tiha ona ba Munisípiu Ainaro- unidade 139, Ermera – unidade 203 no RAEOA unidade 115. Nune’e total tableta ne’ebé Projetu BEST entrega ba Ministériu hamutuk iha unidade 621.
Tableta sira ne’e sei uza atu sustenta dijitalizasaun no fasilita servisu edukasaun, inklui ba GALA iha ninia funsaun diáriu.
Iha biban hanesan anusiu mós katak Entrega patrimoniu ba faze daruak no datoluk sei kontinua iha fulan Juñu 2025, hodi kompleta prosesu entrega patrimoniu ba Ministériu Edukasaun husi Projetu BEST.
