Covalima, 9 Janeiru 2023 (SAPIENTIA)-Diretor Munisipal Servisu Edukasaun Covalima, Ruia Amaral suri Seran, hateten nia partesei hato’o pedidu husu meza no kadeira ba Ministeriu Edukasaun, Juventude no Desportu (MEJD) atu distribui ba eskola sira ne’ebe sei menus meza no kadeira.
“foin lalais planu haruka kadeira no meza mai iha Covalima maibe eskola 11 Marsu la hetan. Entaun ba oin iha ona palanu, ita sei hato’o pedidu MEJD tanba material sira-ne’e hosi nasional mak halo atendimentu,” Rui Amaral Suri Seran relata ba Agencia Tatoli iha Santa Rosa, Covalima.
Razaun servisu Munisipal edukasaun Covalima atu hato’o pedidu ba MEJD hodi husu kadeira no meza relasiona ho diretor simu informasaun hosi diretor eskola 11 Marsu iha Pastu Administrativu Maucatar to’o ohin loron sei menus kadeira ho meza.
“Diretor Eskola 11 de Marco informa ona mai hau kona-ba estudante sira iha eskola 11 Marsu Maucatar durante ne’e sei menus kadeira no meza,” nia hateten.
Atens ne’e, iha loron 26 fulan-outubru 2022, estudante sira tuir ezame nasional periodu 2022 ho triste tanba estudante sira uza kadeira masa nakfilak ba meza hodi hakerek iha leten.
Diretor EBC 11 de Marco Maucatar, Evaristo do Carmo, rekonese eskola laiha kadeira no meza ba estudante sira ho nune’e estudante foin lalais tuir ezame nasional periodu 2022 estudante sira uza deit kadeira masa nakfilak ba meza.
Ho problema ne’e, diretor mos hato’o ona ba servisu edukasaun munisipiu Cavalima maibe to’o ohin loron seidau iha rezultadu.
Tuir dadus estudante iha 11 de Marco Maucatar hamutuk ema na’in-55 kompostu hosi mane ema na’in-18 no feto ema na’in-30 resin.
Media. Sapientia. Bosco
