𝙎𝙀𝙆𝙍𝙀𝙏Á𝙍𝙄𝙐 𝙀𝙎𝙏𝘼𝘿𝙐 𝙀𝙎𝙅-𝙀𝙎𝙏𝙑 𝙄𝙉𝘼𝙂𝙐𝙍𝘼 𝙀𝘿𝙄𝙁Í𝙎𝙄𝙐 𝙁𝙊𝙐𝙉 𝙀𝙎𝙆𝙊𝙇𝘼 𝙎𝙀𝙆𝙐𝙉𝘿Á𝙍𝙄𝘼 𝙅𝙀𝙍Á𝙇 𝙍𝘼𝙄𝘾𝘼𝙇𝘼 𝙉𝙊 𝙀𝘽𝘾 𝙀𝙎𝙏𝘼𝘿𝙊 𝙀𝙍𝙈𝙀𝙍𝘼

Ermera, loron 14 fulan Marsu 2025
Sua Exelénsia Sekretáriu Estadu Ensinu Sekundáriu Jerál no Ensinu Sekundáriu Tékniku Vokasionál Sr. Domingos Lopes Lemos Inagura edifísiu foun Eskola Sekundária Jerál Públika Raicala no Ensinu Báziku siklu 1, 2 N° 190 Estado, iha Munisípiu Ermera Postu Administrativu Ermera Vila, sesta-feira ne’e.

Iha Intervensaun Sua Exelénsia Sekretáriu Estadu ESJ-ESTV husu ba inan aman no profesor sira atu kuida didi'ak eskola refere labele husik animal iha areadores eskola nian nune'e estudante sira tuir prosesu aprendizajen ho di'ak.

"Estudate imi utiliza eskola ne'e hanesan imi nia uma rasik labele hakerek iha didin lolon, konsidera katak hanesan imi nia kuartu nune'e imi bele utiliza iha tempu naruk nia laran", dehan Governante ne'e.

Governante ne’e mós husu ba Profesór Eskola Sekundária Raicala no Ensinu Báziku Estado atu hanorin tuir oras ne'ebé mak iha, hodi eduka estudante sira ho di'ak.

Konstrusaun edifísiu Komunitária ba eskola Sekundáriu Jerál Públika Raicala ne’e ho montante orsamentu hamutuk U$ 85.998.00 no konstrusaun edifísiu Ensinu Báziku Estado hamutuk U$ 95.000.00.

#MédiaME