Governu Da-sia liuhusi Sua Exelénsia Primeiru-Ministru Kay Rala Xanana Gusmão no akompaña husi S.E. Ministra Edukasaun Dra. Dulce de Jesus Soares ho S.E. Sekretáriu Estadu Arte no Kultura Sr. Jorge Soares Cristovão nomós Chief Executive Officer, n husi Komité Duke of Edinborough International Award, Austrália Sr. Peter Kaye ofisiálmente lansa prémiu hakbiit Juventude ba Dezenvolvimentu iha Sala Leitura Xanana Gusmão Díli, iha loron 30 maiu 2025
Iha intervensaun Sua Exelénsia Ministra Edukasaun Dra. Dulce de Jesus Soares hateten, Programa ida-ne’e, ne’ebé naran lokál mak Prémiu Hakbiit Juventude de Dezenvolvimentu, iha valór boot ba estudante sira ho klase 9 – 12, no mós ba sira ne’ebé tuir dadaun Ensinu Rekorrente. Karik ministériu Edukasaunc bele iha programa komplementár ne’ebé bele ajuda motiva estudante sira atu aprende no foti asaun independente, sei kontrbui ho pozitivu ba hasa’e kualidade husi eskola sira, no permite atu serbi estudante ida-idak nia nesesidade pesoál.
"Programa ne’e lansa iha Sala Leitura Xanana Gusmão maka permite atu foin-sa’e sira hosi setór oin-oin bele asesu – husi eskola sira hotu, inklui públiku no privadu, no mós husi situasaun ekonómiku oioin. Ha’u rona ho kontente katak ita-nia estudante sira ho nesesidade edukativu espesiál mós bele partisipa iha programa ida-ne’e, nune’e sei ajuda mós ami-nia esforsu ba edukasaun inkluzivu", Dehan S.E. Ministra Edukasaun.
Progama ida-ne’e, sertifika esforsu edukasaun la-formál husi foin-sa’e sira iha mundu tomak, sei sai benefísiu kapás ba Sala Leitura Xanana Gusmão, no mós ba instituisaun sira seluk ne’ebé atu implementa programa ne’e iha ita-nia rain, inklui eskola ensinu sekundáriu públiku ida – 4 de setembru.
Ministériu Edukasaun tuir didi’ak mudansa sira-ne’ebé akontese dadaun iha enkuadramentu edukasaun globál sira no mós iha nesesidade husi merkadu traballu, no, bazeia ba avansu sira-ne’ebé evolui ba beibeik iha edukasaun no iha ekonomia mundiál, ministériu ajusta tuir ona kurríkulu, hodi asegura katak estudante sira dezenvolve kompeténsia konkretu sira la’ós de’it koñesimentu akadémiku iha eskola.
#MédiaME
