𝙎𝙀𝙆𝙍𝙀𝙏Á𝙍𝙄𝙐 𝙀𝙎𝙏𝘼𝘿𝙐 𝙀𝙎𝙅-𝙀𝙎𝙏𝙑 𝙆𝙊𝙈𝙀𝙈𝙊𝙍𝘼 𝙇𝙊𝙍𝙊𝙉 𝙈𝙐𝙉𝘿𝙄Á𝙇 𝙇𝙀 𝙇𝙄𝙑𝙍𝙐

𝙎𝙀𝙆𝙍𝙀𝙏Á𝙍𝙄𝙐 𝙀𝙎𝙏𝘼𝘿𝙐 𝙀𝙎𝙅-𝙀𝙎𝙏𝙑 𝙆𝙊𝙈𝙀𝙈𝙊𝙍𝘼 𝙇𝙊𝙍𝙊𝙉 𝙈𝙐𝙉𝘿𝙄Á𝙇 𝙇𝙀 𝙇𝙄𝙑𝙍𝙐

Ermera - 09/05/2025
Sua Exelénsia Sekretáriu Estadu ESJ-ESTV Sr. Domingos Lopes Lemos akompaña husi Xefe Gabinete Sekretáriu Estadu ESJ-ESTV Sr. Napoleão do Santos Lima no Assesór Gabinete Sekretáriu Estadu ESJ-ESTV Sr Agostinho Lay Diretór Jerál Ensinu Sr. Deolindo da Cruz Diretór Nasionál ESTV Sr Fernando Moujinho Gama Diretór Nasionál ESJ Sr. Benjamin Fernandes hala'o komemora loron mundiál lé livru iha eskola E.B.F. Nazaré 195 Lauala Sexta-feira ne'e.

Iha intervensaun Sua Exelénsia Sekretáriu Estadu ESJ-ESTV Sr. Domingos Lopes Lemos hateten, loron ohin importante ba ita hotu hodi komemora loron mundiál lé livru nian nune’e fó hanoin hikas ba ita ida-idak atu hatoman-an lé tanba ne'e oan sira hatoman-an kaer kadernu no inan-aman mós hatoman- an loke livru hodi nune’e labarik sira mós halo tuir.

"Tanbá ne’e mak loron ohin ita hotu lembra fila-fila hodi fó hanoin-hikas ba alin sira liliu ki'ik oan sira labele halimar iha uma no tenke lé barak hodi nune’e kuda iha kakutak no tau iha ulun" Dehan Sua Exelénsia Sekretáriu Estadu ESJ-ESTV Sr. Domingos Lopes Lemos.

Governante ne'e hatutan-tan responsabilidade inan-aman nian mak akompaña oan sira husi idade ki'ik, hodi nune’e bo'ot mai ne'e hatoman-an ona sai matenek no lé barak.

Iha fatin hanesan Kordenador EBF 195 Nazaré Lauala Sr. Amandio de Fátima Martins hateten, komemorsaun ohin loron nian hanesan responsável eskola sente kontenti tebes, maibé preokupasaun ho livru ne'ebé mak lori mai ne'e limite tebes, no nafatin sujere ba Ministériu Edukasaun atu prodúz tan livru halo barak hodi estudante sira hetan hotu.

"Koordenadór eskola hatutan-tan livru ne'ebé mak lori mai iha eskola diretamente fó ba estudante sira hodi nune’e bele lé no aprende barak liután.