𝐌𝐈𝐍𝐈𝐒𝐓É𝐑𝐈𝐔 𝐄𝐃𝐔𝐊𝐀𝐒𝐀𝐔𝐍 𝐅Ó 𝐏𝐎𝐒𝐄 𝐁𝐀 𝐊𝐀𝐍𝐃𝐈𝐃𝐀𝐓𝐔 𝐏𝐑𝐎𝐅𝐄𝐒Ó𝐑 𝐇𝐀𝐌𝐔𝐓𝐔𝐊 𝟏.𝟏𝟒𝟑 𝐈𝐇𝐀 𝐒𝐀𝐋𝐀𝐔𝐍 𝐄𝐈𝐒 𝐆𝐌𝐓 𝐃𝐈𝐋𝐈

𝑫𝒊𝒍𝒊, 28 Fevereiru 2026

𝑺𝒖𝒂 𝒆𝒙𝒆𝒍é𝒏𝒔𝒊𝒂 𝑴𝒊𝒏𝒊𝒔𝒕𝒓𝒂 𝑬𝒅𝒖𝒌𝒂𝒔𝒂𝒖𝒏 𝑫𝒓𝒂. 𝑫𝒖𝒍𝒄𝒆 𝒅𝒆 𝑱𝒆𝒔𝒖𝒔 𝑺𝒐𝒂𝒓𝒆𝒔 𝒉𝒐 𝑺𝒖𝒂 𝑬𝒙𝒆𝒍é𝒏𝒔𝒊𝒂 𝑽𝒊𝒔𝒆-𝑷𝒓𝒊𝒎𝒆𝒊𝒓𝒖 𝑴𝒊𝒏𝒊𝒔𝒕𝒓𝒖, 𝑴𝒊𝒏𝒊𝒔𝒕𝒓𝒖 𝑲𝒐𝒐𝒓𝒅𝒆𝒏𝒂𝒅ó𝒓 𝒃𝒂 𝑨𝒔𝒖𝒏𝒕𝒖 𝑺𝒐𝒔𝒊á𝒍 𝒏𝒐 𝑴𝒊𝒏𝒊𝒔𝒕𝒓𝒖 𝑫𝒆𝒛𝒆𝒏𝒗𝒐𝒍𝒗𝒊𝒎𝒆𝒏𝒕𝒖 𝑹𝒖𝒓á𝒍 𝑨𝒃𝒊𝒕𝒂𝒔𝒂𝒖𝒏 𝑲𝒐𝒎𝒖𝒏𝒊𝒕𝒂𝒓𝒊𝒖 𝑬𝒏𝒈. 𝑴𝒂𝒓𝒊𝒂𝒏𝒐 𝑨𝒔𝒔𝒂𝒏𝒂𝒎𝒊 𝑺𝒂𝒃𝒊𝒏𝒐 𝒏𝒐 𝒎ó𝒔 𝑷𝒓𝒆𝒛𝒊𝒅𝒆𝒏𝒕𝒆 𝑲𝒐𝒎𝒊𝒔𝒂𝒖𝒏 𝑭𝒖𝒏𝒔𝒂𝒖𝒏 𝑷ú𝒃𝒍𝒊𝒌𝒂 𝑺𝒓. 𝑨𝒈𝒐𝒔𝒕𝒊𝒏𝒉𝒐 𝑳𝒆𝒕ê𝒏𝒄𝒊𝒐 𝒅𝒆 𝑫𝒆𝒖𝒔 𝒏𝒐 𝑫𝒊𝒔𝒕𝒊𝒏𝒕𝒖 𝑫𝒆𝒑𝒖𝒕𝒂𝒅𝒖 𝒉𝒖𝒔𝒊 𝑲𝒐𝒎𝒊𝒔𝒂𝒖𝒏 𝑮 𝑷𝒂𝒓𝒍𝒂𝒎𝒆𝒏𝒕𝒖 𝑵𝒂𝒔𝒊𝒐𝒏á𝒍 𝒇ó 𝒑𝒐𝒔𝒔𝒆 𝒃𝒂 𝒑𝒓𝒐𝒇𝒆𝒔ó𝒓 𝒃𝒐𝒍𝒔𝒂 𝒌𝒂𝒏𝒅𝒊𝒅𝒂𝒕𝒖 𝒏𝒂’𝒊𝒏 1.143 𝒃𝒂 𝑬𝒔𝒌𝒐𝒍𝒂 𝑬𝒏𝒔𝒊𝒏𝒖 𝑩á𝒛𝒊𝒌𝒖 𝒊𝒉𝒂 𝑻𝒊𝒎ó𝒓 𝒍𝒂𝒓𝒂𝒏 𝒕𝒐𝒎𝒂𝒌.

Iha diskursu Sua Exelénsia Vise-Primeiru Ministru, Ministru Koordenadór ba Asuntu Sosiál no Ministru Dezenvolvimentu Rurál Abitasaun Komunitariu Eng. Mariano Assanami Sabino, hateten, profesór sira la’ós de’it hanesan funsionáriu públiku ka traballadór ba estadu no nasaun maibé profesór sira hanesan lutadór ida ne’ebé ho nia misaun atu hanorin duni estudante sira.

“Ohin imi halo ona kompromisu ho fuan no laran atu forma ema ka oan sira nia futuru atu lori ita-nia nasaun ba oin tanba nasaun ba oin la dependénsia ba ita-nia minarai no riku soin seluk maibé dependénsia ba ita-nia ema no oan sira”, Dehan SE.V-PM.

Vise Primeiru-Ministru ne’e argumenta, rekursu prinsipál ba estadu no nasaun maka ema. Tanba ne’e, profesór sira maka sei ba kuidadu, forma no fó esperansa ba oan sira atu realiza lutadór sira nia mehi ba povu ida ne’ebé moris di’ak, prósperu, dame no hakmatek.

Enkuantu iha sorin seluk, Sua exelénsia Ministra Edukasaun Dra. Dulce de Jesus Soares ba jornalista sira hateten, ohin loron 28 fulan fevereiru, Ministériu Edukasaun hamutuk ho Komisaun Funsaun Públika no mós prezensa husi Vise-Primeiru Ministru ba Asuntu Sosiál fó pose ba profesór bolsa kandidatu na’in 1.143 ne’ebé maka atu ba hanorin iha eskola ensinu báziku.

“Profesór sira ne’ebé ohin simu pose, atu troka profesór sira ne’ebé hetan reforma obrigatóriu iha janeiru tinan 2026, moras prolongada no mós ba eskola sira ne’ebé sei falta profesór sira”, tenik SE. Ministra.

Nune’e iha serimónia tomada de pose ne’e, governante sira husu profesór sira atu la’ós fó matenek no hanorin maibé forma oan sira nia karater, atitude no mós forma sira husi dimensaun fíziku, mentál, ispirituál no inteletuál.

#EliasdaCosta
#MédiaME