Ministério Edukasaun fahe equipamentus Informatika hamutuk 606 ba diretores EBC

Dili, 07 de Janeiro de 2013. “Hau apela ba diretores hotu husi EB ba sira nebe’e maka simu komputadores, significa katak cada escola sei simu komputadores 3. Objetivu fahe komputadores sira ne’e atu fasilita servisu diretores sira nian iha distrito.
Ministro mos husu ba diretores sira atu kontrola no assegura equipamentus hirak ne’e atu nune’e bele hatan ba necessidades principal Edukasaun nian. Ministro Edukasaun Dr. Bendito do Santos Freitas koalia lia hirak ne’e ba jornalista sira, hafoin entrega komputador ba Diretor Eskola Bázika Sentral iha edifisiu Ministériu Edukasaun Vila-Verde Dili.

Ministro hatutan liu tan katak, karik ekipamentus sira ne’e hetan difikuldade ruma? Ida ne’e politika Ministériu sei tau ekipa tekniku talvez kada fulan tolu no husi Ministeriu rasik mos sei tun ba servisu hamutuk ho diresaun sira iha Distritu atu haré ekipamentu sira ne’e.
Tanba ekipamentu hirak ne’e tenke iha manutensaun nafatin atu seguru nafatin fo atendimentu diak servisu loron-loron.
Entretantu, asuntu seluk ne’ebé Ministru preokupa maka professor voluntáriu sira, Kona ba professor voluntariu sira. Benditu Freitas haktuir katak, ne’e polítika ida ne’ebé Ministériu diskuti, no sei halo levantamentu dadus profesór sira nia kompleitu. Ministériu sei haruka ekipa ida tun ba báze atu hare lolos profesór voluntáriu ne’e sé? Nia hela iha nebé? Nia hanorin komesa sa tinan? Nia fo aula materia saida? Iha testamuña saida kona nia servisu eskola ne’e? atu Ministériu iha provas konkretu no evidensia forte katak nia professor voluntariu duni.
Durante ne’e Ministeriu simu de’it naran, laiha konesementu no la hatene ema ne’e iha ka laiha? Tanba ohin loron ema barak kestiona katak mosu professor mate klamar mak barak tanba ne’e mak Ministeriu Edukasaun komesa 2013 atu afirma katak tenke hadia buat hotu-hotu atu bele hatene lolos katak voluntariu ida ne’ebe? Husi se? maibe Governu no estadu taumatan nafatin ba sira nia vida no responsabilidade.
Tabela alocação Computadores e cofres para Diretores das Escolas Básicas Centrais