Ermera, loron 04-09-2025 - Sua Exelénsia Sekretáriu Estadu ESJ-ESTV Sr.Domingos Lopes Lemos halo enserramentu ba feira komemorasaun loron konsulta populár 30 de agostu ba dala-26 iha Munisípiu Ermera kinta-feira ne'e.
Iha intervensaun Sua Exelénsia Sekretáriu Estadu ESJ-ESTV Sr.Domingos Lopes Lemos hateten, agradese tebes ba Prezidente CCITL Munisípiu Ermera ne’ebé mak kria eventu ida-ne'e hodi konsolida ema hotu iha fatin-ne'e durante semana ida laiha problema.
"Tanba ne'e ohin ita hamutuk iha fatin nee, hodi fó hanoin ba ita-nia alin no oan ki'ikoan sira hotu katak kuda metin istória atu prenxe ukun rasik-an ne'e tenke estuda maka’as.
Governante ne'e hatutan tan katak objetivu husi luta mak ema barak husik hela sira-nia eskola hodi konsolida malu nafatin sai ba ailaran hodi luta hasoru inimigu sira, no ohin loron ita hetan ona vitória ba ukun rasik-an.
