Dili, 24/2/2014 - halo aprezentasaun dekretu guvernu ba ezekusaun orsamentu jerál estadu tinan 2014 ba diretór distritu no diretór nasionál sira ministériu edukasaun nian iha salaun Ensinu Rekorente Vila Verde Dili.

Vise Ministru Sekundáriu, Virgilio Smith hatate ba jornalista sira katak workshop ne’e atu fó hatene sai ba diretór nasional no distritu sira konaba prosedimentu no regra ezekusaun orsamentu nian, informasaun ne’e importante tebes tanba orsamentu jerál estadu 2014 iha regra ne’ebé importante tebes no tenki kumpriende lolós nia prosedimentu ezekuasaun nian nune’e bele la’o tuir plano ne’ebé mak iha.

“to’o fulan Jullu ou Setembru maka orsamentu Ministériu nian la ezekuta to’o iha 85 % maka sei iha deminuisaun orsamentu, tanba nee mak halo workshop ne’e atu diretór sira hotu bele kumpriende ho sistema ida nee to’o iha fulan Jullu-Setembru Ministériu bele atinji ona nia pursentu as,” dehan Virgilio

Ministériu Edukasaun sei iha Sistema kontrolu, monitorizasaun no akompañamentu husi diresaun nasional sira hotu liuliu ba distritu, ne’ebé durante nee hetan difikuldade husi relatóriu konaba merenda eskolár husi Ensinu Báziku sira.

Ne’eduni realiza workshop idane’e atu fó hanoin no fo sai sistema, atu labele atraza tan relatóriu mai ministériu.

Vise Ministru ne’e hatutan katak, Diretor sira ne’ebé mak la ezekuta nia orsamentu ho diak Minstériu sei fó sansaun.

Iha fatin hanesan Diretór Jerál Servisu Korporativu, Ministériu Edukasaun Antoninho Pires, hatete iha asuntu rua mak minitériu aprezenta iha workshop ne’e mak aprezenta orsamentu estadu 2014 nian ne’ebé aprovadu ba Minstériu Edukasaun.

“Ministériu Edukasaun orasne’e iha ona pakote aprovadu ne’eduni ministériu sei hato’o ba dirasaun sira ne’ebé hetan orsamentu, sira bele halo ona ezekusuan ba orsamentu nebee mak iha,”dehan Antoninho.

Iha Workshop ne’e mós koalia konaba artikulasaun dadus funsionáriu no ajente estadu iha Ministériu Edukasaun, konaba profesór no funsionáriu administrativu.

Ministériu Edukasuan iha funsionáriu barak tanba ne’e maka Ministériu iha rezime rua, rejime jerál husi komisaun funsaun públika nian ba funsionáriu administrativu, no rejime kareira dosente ba profesór sira.