Dili, 21/2/14 - Diresaun Nasional Pré-Eskolar no Ensinu Báziku, Ministériu Edukasaun, hala'o workshop kona ba padraun nasiona ba kualidade eskola nudar gia ba mellhoramentu ensinu báziku iha Timor-Leste.

Diretór jeral pré-eskolár no Ensinu Báziku, Cidálio Leite iha ninia diskursu hatete Workshop nee importante atu produs hanoin di’ak konaba kualidade eskola iha nasaun foun ida ne’e.

“ Hau fo apresiasaun boot ba partisipante sira nia prezensa, tanba bele produs padraun nasional ba Ensinu Báziku ho diak no kualidade ba implementasaun.

hafoin workshop, Diresaun Nasional Pré eskolár no EBC fahe esbosu ministériu ba parseiru sira, atu sira mós fó hanoin ba kualidade eskola iha timor-leste ba futuru. no sei implementa ba sosializasaun iha eskola hotu,”dehan Cidálio iha Beach Garde Hotel, Sexta (21/2/14).

Diretór Jerál, agradese ba UNICEF tanba fo ona sira nia koperasaun hamutuk no kontribusaun intensivu ba dezenvolvimentu edukasaun liu husi servisu hamutuk ho Ministériu Edukasaun iha Timor-Leste.

“UNICEF sei fó kontribuisaun boot ba Timor-Leste liu husi edukasaun, tanba ita nia guvernu presija kontribusaun matenek, rekursu, finanseiru ba dezenvolvimentu edukasaun. liuliu ba workshop ne’e tanba ho apoiu UNICEF,”dehan Cecilio.

Cidálio deklara katak Ministériu ninia misaun prinsipal iha oin rua, ministériu promove asesu edukasaun ba labarik idade eskola sira hotu , tanba nee tenki haree ba kuantidade ba eskola hira mak loke ona husi guvernu, nune bele fó asesu ba labarik sira ba eskola. Iha parte seluk, haree kualidade tenki haree mós ba kulaidade eskola, liuliu ba rekursu umanu.

“Tanba nee mak, Ministériu Edukasuan halo ona formasaun ba profesór sira ne’ebé foin dadauk nee halo ona hanesan kursu intensivu atu nunee bele profesór sira tenki iha koñesementu diak ba material ne’ebé mak sira lori,”Tenik Cidálio.

Iha tempu hanesan Diretór Nasionál Pré-eskolár no ensinu báziku, Alfredo, fó ninia agredese ba partisipante sira ne’ebé tau ona ideiaha mutuk hodi finaliza padraun ida ne’e, tanba workshop ne’e hanesan loron ikus ba Ministériu Edukasaun ho parseiru hodi finaliza planu ida ne’e ba ministériu edukasaun.

Tuir planu sei iha tan workshop nasionál ida atu aprezenta padraun nasional ba kualidade eskola lolós ba sosiedade tomak.

“Padraun nasional ida ne’e halo ona legalizasaun iha tinan hirak kotuk liu ba maibe seidauk lós ne’eduni maka hamosu workshop idane’e atu sai padraun nasional, lolós.

Ministériu Edukasaun hamutuk komunidade tomak preokupa kona ba kualidade eskola no rekursu umanu ba dezenvolvimentu nasaun nian ne’eduni ministériu edukasaun hakaas an buka kualidade eskola ne’ebé diak ba future,”dehan Alfredo.

Diretor Nasional pré eskolar no EBC ne’e hatutan liu tan katak, atu atinji padraun ne’ebe diak, sei liu husi prosesu naruk hodi bele hetan ninia objetivu, tanba ne’e mak hein katak rezultadu workshop ida ne’e hamosu ideia ne’ebé diak no sai alersesi ba dezenvolvimentu ba nasaun ida nee.

Durante ne’e UNICEF nia apoiu barak ba seitor edukasaun liuliu ba ensinu pré eskolár no Ensinu Báziku iha teritoriu timor laran tomak.

Iha biban ne’e reprezentante UNICEF, Taka Ho hatete UNICEF Timor leste kontinua nafatin fo apoiu ba kualidade edukasaun iha Timor-Leste liuliu Ensinu Báziku ne’ebé ministériu oras nee dadaun hanaran eskola foun.

“ida ne’e hanesan onra boot ba UNICEF no ba oin sei hamutuk nafatin ho Ministériu Edukasaun buka parseiru sira hotu atu dezenvolve padraun nasional ba edukasaun nia,”dehan Taka Ho.

Eskola foun hanesan eskola ativu ida hodi bele hadia kualidade edukasaun liu husi partisipasaun labarik nian iha ensinu aprendizajen no aprosimasaun seluk ne’ebé ne’bé oinsa fó korajen ba labarik sira partisipa prosesu aprendizajen. Aprosimasaun eskola foun sai hanesan inisiativu ida ba nasaun hodi habelar liu tan iha eskola hotu iha rai laran.

“Eskola foun hanesan mos sai pontu prinsipal ida hodi hadia liu tan kualidade eskola iha rai laran.Padraun ou Esbosu ne’ebé mak diskuti iha workshop ne’e iha ona prosesu naruk liu husi konsultasaun ne’ebé halo hamutuk ho diresaun hotu iha área edukasaun no parseiru sira hotu,”dehan Taka Ho.

Entretantu, partisipa iha workshop ida ne’e diretor nasional no diretor distritu sira inklui konsellu inan aman estudante sira nian. (elabora husi Juela)