Dili, 30 Janeiru 2019 : S.Exa. Primeiru-Ministru Taur Matan Ruak iha tersa-feira ne’e hala’o enkontru informal ho Ministra Edukasaun Juventude no Desportu, Dulce de Jesus Soares no nia Vise, João Zacarias Freitas Soares, inklui Diretore Jeral, iha Palásiu Governu.

Enkontru informal ne’ebé Xefe Governu konvoka ho kada Ministru sira, ho objetivu atu rona nia elenku governamental sira nia atividade serbisu, aleinde Xefe Governu aproveita fó mos sujestaun ruma hodi oinsá melloria di’ak liután serbisu iha MInisteriu Edukasaun Juventude no Desportu nian.