Ita agradese ba doadór sira no estadu ho governu, tanba atensaun dedika tomak ba dezenvolvimentu edukasaun ba futuru Timor- Leste nian.
Investe ba edukasaun, investe ba futuru labarik sira nian!!!

Rai Seiçal iha ema matenek barak maibé, estadu no gov­ernu ejize liután atu serbisu. Ne’e duni, ba Seiçal oan sira tenke hakás-an dezenvolve seitór edukasaun la’o ba oin.

Estadu ho governu hamutuk ho parseiru dezenvolvimentu sira halo ona eskola foun iha ita-nia fatin, ita tenke tau ma­tan no asegura nune’e dura to’o tempu naruk.
Entretantu orsamentu ba­konstrusaun uma eskola rua ho sala 6 ne’e hamutuk $. 100.000.00 (rihun atus ida dolar Amérika ba konstru­saun uma eskola rua inklui hariís fatin ho saneamentu), $.8000.00 (Dolar rihun ualu) bá konstrusaun kampo basket­ebola.

Fundus hirak ne’e ajuda husi komunidade ki’ik Australiano sira, Inklui; Graham Thomson, Tobby Hemmings Melboune Lunch Guests, família bo’ot Gilbert­son, Markey no Nancarrow, John Middleton, Philip Crutch­field, no eskritório Kirsty Sword Gusmão.

Iha fatin henesan reprezentante komunidade ki’ik Australia, Sra. Jeni hateten, sente kon­tente tanba bele harí uma esko­la foun hanesan jestu ajuda ba komunidade Sub Distritu Seiç al atu fasilita labarik sira hetan matenek ba sira nia futuru ho nabilan atu bele dezenvolve na­saun Timor-Leste ho próspero no kualidade diak liu hanesan nasaun sira seluk iha mundo.