ME iha ona kadeira no meza atu fahe!!
Abilio Jerónimo, Diretór ad­juntu Ensinu Báziku Sentral Sub Distritu Iliomar, Distritu Lautem, hateten katak, Labarik sira kuaze 500 resin sei tuur iha rai tanba, kadeira ne’ebé dis­tribui husi ministériu edukasaun maka sei menus liu. Tinan-tinan ministériu distribui mai nafatin maibé númeru alunus sira barak liu maka balun sei tuur iha rai.

Diretór adjuntu, Abilio Jeróni­mo kasu lia hirak ne’e, iha loron 09/09/2014 iha nia knár fatin EBC Iliomar.

Kuantidade alunu sira iha eskola Ensinu Báziku Sentral N0. 1 Ili­omar hamutuk 739 ho kadeira no meza ne’ebé oras ne’e iha ha­mutuk 200 deit.
Eskola ida ne’e iha sala 9, maibé seidauk to’o atu halo prosesu aprendizajen ne’duni prosesu aprendizajen fahe dader no lorokraik.

Profesór hamutuk 23, inklui profesór na’in 9 husi eskola fil­ial 2, hamutuk na’in 32. Iha EBC N0. 1 Sub Distritu Iliomar. Husi númeru profesór na’in 32 ne’e, profesór na’in 3 maka sei iha kon­tratadu. Matéria ba profesór sira, mós sei­dauk to’o. Mobiliáriu hanesan armáriu no kadeíra meza ba profesór sira sei menus liu. Armáriu sira ne’ebé iha, ne’e uzadu tiha ona no balun aat ona. No até ohin loron mobil­iáriu mai ba profesór sira seidauk iha.

Livru sufisiente.

Liamenon, profesór ba matéria siklu datoluk sei menus liu, inklui livru ba siklu datoluk mós sei menus. Presiza aumenta edifisiu tanba alunu sira barak liu.
Entrentantu iha fatin seluk Ministru edu­kasaun Bendito dos Santos Freitas iha nia ntrevista ba jornal­ista sira hateten, oras ne’e dadaun ministériu prepara ona kadeira no meza. No iha tempu badak, sei fahe ba eskola sira iha Timór laran tomak!!!!