Institutu Kristal loke Fakul­dade Emfarmajen no iha ona estudante finalista, maibé durante ne’e seidauk hala’o pra­tika no ezersísiu iha laboratóriu. Tanba, Institutu rasik seidauk halo mekanismu legál liu husi governu.

Vise Ministru Ensinu Superior no Siensia Avelino Marcal, ha­teten durante ne’e estudante final­ista husi fakuldade Emfarmajen Institutu Kristal balun reklama mai iha Ministériu Edukasaun, keixa ba Parlamentu Nasional no hato’o mos ba Xefi Governu. Pri­meru Ministru haruka despaxu mai ministériu. Maka ministériu halo xamada reitór ho nia aliadu sira mai ministériu, halo ekon­tru no rona katak problema iha edukasaun laran ne’e responsavel konjunta.

Ministériu iha nia knár ho nia papél atu taumatan tanba, minis­tériu maka jere polítika. Maibé, institutu superiór rpivadu no en­sinu superiór públiku sira maka jere edukasaun ba ba estudante universitáriu sira.

Tanba ida ne’e maka ita presiza kordenasaun no servisu hamu­tuk, intermus tékniku hafoin haré hamutuk ho ekipa diresaun nasional ensinu superiór univer­sitáriu no mós parte inspesaun, atu bele lori solusaun ruma ba situasaun ida ne’e.

“Ita hatene katak problema ita hotu nian. ne’eduni sei hetan solusaun diak ba estudante sira ne’ebé estuda durante tinan 3, la­bele prolonga tan.
Iha fatin hanesan Diretór no Fundadór Kristal, Augustinho Goncalves hateten, husi funda­saun Kristal agradese tanba bele halo inkontru ho parte ministériu nian hodi bele rezolve problema iha departamentu enfarmazen Ensinu Superiór Kristal, ne’ebé tempu badak Ministériu edukasuan sei kordena hamutuk ho Ministériu Saude atu, es­tudante finalista Institutu Kristal ha­mutuk na’in 200 resin bele halo sira nia pratika no laboratoriu.

No ba futuru sei hato’o fali lisensa operasional, atu bele priense dekre­tu lei ensinu superiór nian. tanba, Ensinu Superiór Kristal hala’o ativi­dade edukasaun nian. No institutu Superiór Kristal tenki iha espesífiku. Karik atu loke Departamentu ou fakuldade sira seluk tenki ba univer­sidade ne’ebé akreditadu.

Ba Ministériu Edukasaun kon­tenti tanba Ensinu Superiór Kristal bele apoiu formasaun profesór iha fakuldade edukasaun nian ajuda iha efermazen iha area Saude nian maibé tenki haré didiak dekretu lei.