Institute Tegnologi of Bandung (ITB) aprezenta relatoriu dezeñu mestre politékniku 3, Suai, Same, Lautem inklui Akedemia Peska ba Distritu Manatuto ba Ministériu Edukasaun.

kurrikulu importante tebes ba estabelesementu politéknika no akademia Peska inklui koalia konaba mapa atu harí edifisiu politéknika iha distritu haat no koalia mós konabá master plan no ikus maka deze­ñu detailhadu tékniku.

Ida ne’e pasu importante tebes ITB aprezenta ba ita no ita haré rezultadu nune’e ita aprezenta ba estadu hodi haré polítika tuír maka kontrusaun ba edifisiu politéknika tanba ita hatene katak ne’e importante tebes ba re­kursu humanu téknika kualifikadu ita presiza duni iha área Hospitalidade no turismu, Agrikultura, petroliu no prinsipalmente ba peska nian.

Iha área mapa nian sira halo estudu hotu, ita iha ona polítika ba implementasaun konstrusaun edifisiu politéknika nian.Politékni­ka Turismu nian sei harí iha distritu Lautem, agrikultura nian iha distritu Manufahi, petroliu nian iha distritu Suai no Akademia peskas sei harí iha distritu Manatuto no sira uza GPS (Global position De­tected system)
hodi halo mapa ba kada area ne’ebé halo fotografia rai nian edifisiu politéknika ho espasu rai nia luan,

Tuir rezultadu ne’ebé mak iha katak atu harí edifí­siu politéknika iha distritu Lautem ho rai nia luan 10.9 hektares no distritu Manatuto 162.9 hek­tares, distritu Same 13.5 hektares no distritu Suai 10 hek­tares.