EBC Fatumea sei falta fasilidade
Eskola Ensinu Báziku Sentrál Públiku (EBC), Sub Distritu Fatumea, Distritu Covalima sei falta fasilidade hanesan sala ba prosesu aprendizájen sei menus, armajen atu rai fós merenda eskolár laiha no hakarak husu ba ministériu edukasaun atu fó tan formasaun bá profesór kontratadu na’in rua (2) ne’ebé oras ne’e sei nafatin kontratadu.
Kestaun ne’e hato’o husi Diretór EBC Sub Distritu Fatumea, António de Deus Lima B.ed bá Buletin Sapiénsia iha nia serbisu fatin Suai Covalima.
Eskola Ensinu Báziku Públiku Filiál, (EBF) 1, 2 Bismata sub Distritu Hatu-Udo, distritu Ainaro, sei falta bee-moos no saneamentu. Eskola ida ne’e governu halo ona konstrusaun foun hamutuk ho sentina no harís fatin maibé bee-moos maka laiha. 
Polítika Ministériu nian maka promove edukasaun bazeia ba ensinu multi lingua tanba ne’e maka lian inan nia papél importante atu fó tulun ba labarik sira ba eskola liuliu tinan dahuluk tama eskola atu bele fasilita prosesu aprendizájen labarik sira bele entende esplikasaun profesór sira iha sala laran. 
Timor-leste hamutuk ho universidade husi nasaun viziñu Austrália, Indonézia serbisu hamutuk hametin dezenvolve edukasaun iha nível sub rejional nia laran. Kompromisu ne’e mosu liu husi enkontru entre parte tolu iha Hotél Timor, segunda (05/05/2014).