Atividade

Previous Next

DIRETÓR JERÁL, DIRETÓR NASIONAL, XEFE DEPARTAMENTU NO SIRA NE’EBE ASUME KARGO XEFIA SELUK TENKE SAI MODELU OU ROLE MODEL BA NIA SUB-ORDINADO SIRA, EZEKUSAUN ORSAMENTU NO KALENDARIZA ENKONTRO RUTINA BA KARGO XEFIA SIRA MAK SAI MENSAJEM IMPORTANTE IHA ISAR

Dili, 07 Setembru 2020 – Diretór jerál, Diretór Nasional, Xefe Departamentu no sira ne’ebé maka asume kargo xefia tenke sai Modelu ou Role model ba nia Sub-ordinado sira, Diretór jerál sai role model ba Diretór Nasional, Diretór Nasional sai role model ba Xefe Departamentu sira no Xefe Departamentu sai role model ba nia sub-ordinado sira, ne’ebé tenke hahú hosi Ministro to’o ba iha kraik tenke sai role model ba sub-ordinado sira . Laos deit tamba kestaun disiplina no servisu, maibé tamba ita ne’e Ministériu Edukasaun forma ita ema mesmo hanesan funsionáriu maibé ita partisipa ativamente iha formasaun labarik sira nian, liu-liu ba sira ne’ebe Profesór husu para iha mós integridade moral kuandu funsionáriu ka edukador mak laiha integridade moral mak sei iha konsekuensia ne’ebé ladi’ak.
Ezekusaun orsamentu Ministériu Edukasaun, Juventude no Desportu (MEJD) tama iha lista ne’ebé halo transferensia interna maka’as liu ba viagem lokál. Tuir esplikasaun husi Ministerio Finansas nia hare. Tan ne’e husu ba diresaun sira atu halo viagem ba aktividade ne’ebé mak importante deit. Husu mós ba Diretór jerál, Diretór Nasional sira atu halo monitorizasaun ba eskola sira ne’ebé mak re-abertura ona atu bele hare prosesu aprendizajem nia lala’ok sira. Halo monitorizasaun la ezizi atu halo viajem ba munisípiu, maibé bele uza kreditu ka pulsa ne’ebé fornese atu halo kontaktu ba Profesór sira iha ne’ebá kona-ba lalaok prosesu aprezendizazem sira.
Ne’e mak mensajem ne’ebé Sua Exelénsia Ministru Edukasaun, Juventude no Desportu hato’o iha isar bandeira ba dala rua iha MEJD. Isar bandeira ba dala rua ne’e hetan partisipasaun másimu hosi funsionáriu sira, Sua Exelénsia vice Ministru no mos Ekipa apoiu Gabinte Ministru no Gabinete vice Ministru.
Previous Next

VIÇE MINISTRO EDUKASAUN JUVENTUDE NO DESPORTO NE’EBE REPREZENTA MINISTERIO EDUKASAUN AKOMPAÑA HUSI TEKNIKA SIRA HALO VIZITA BA ESKOLA NE’EBE MAK HETAN ESTRAGOS HUSI ANIN IHA PARTE BAUCAU NO VIQUEQUE

Baucau 03 Setembro 2020-Viçe Minístro Edukasaun Juventude no Desporto reprezenta Ministério Edukasaun akompaña husi teknika sira halo vizita ba eskola hirak ne’ebe mak hetan estraga husi anin ne’ebe mak akontese iha fulan kotuk. Eskola hirak ne’ebe mak hetan vizita maka hanesan;
- EBF 3˚Ciclo BUCOLI –sala ida mak Estraga/Kaleng sala ida mak semo sai
- EBF 3˚Ciclo Dom Carlos Filipe Darenafa sala tolu uma kakuluk semo sai houto.
- EBF Waibobo ne’ebe sala tolu mos estraga total.
Husi eskola tolu ne’ebe maka Viçe Minístro Edukasaun ba hare rasik ho matan, no koalia direta ho Profesores,aman inan no autoridade lokal sei koko atu hare ho parte teknika Ministerio edukasaun no Juventude nian, oinsa buka meios atu tulun lalais iha tempo badak hodi nune’e eskola sira ne bele utiliza fila fali hodi halo prosesu aprendizazem. Iha tempo besik Minísterio Edukasaun Juventude no Desporto mos sei fo atendementu urgente hanesan kaleng taka uma, pregu, ai no seluk tan depois identifika estragos ne’ebe maka eskola hirak ne’e hetan.
Iha Vizita hirak ne’e Viçe Minístro Edukasaun Desporto no Juventude ho ninia ekipa tenika halo mos vizita ba eskola sira seluk ne’ebe maka planu tiha ona iha vizita refere.
# Mídia_Gab_Min_03092020
Previous Next

MINISTRU EDUKASAUN, JUVENTUDE NO DESPORTU HO EMBAIXADOR PORTUGAL MAI TIMOR-LESTE, HAMUTUK BUKA DALAN OINSÁ LORI HIKAS PROFESÓR PORTUGUESA SIRA FILA MAI TIMOR-LESTE

Dili, 19 de Agusto de 2020 – Ministru Edukasaun, Juventude no Desportu Sua. Exia. Armindo Maia, simu vizita husi Sua. Exia Embaixador Portugal, Sr. José Pedro Machado Vieira no Adida ba Kooperasaun, Sra. Cristina Isabel da Costa Pinto Faustino. Hodi koalia kona ba oinsá atu lori hikas Profésores hamutuk total nain 148 ne'ebé ho nia kategoria, nain 90 husi profesór hanorin iha Eskola CAFE (inklui familia balun) no nain 58 profesór husi Eskola Portuguesa Ruy Cinatti Dili.
Iha Diskuasaun ne'e, Embaixador Portugal sente preokupa oituan oinsá atu lori hikas Profesor sira husi CAFÉ no Ruy Cinati atu fila hikas mai Timor-Leste atu hakna’ar an hikas iha eskola ne'ebé mak temi iha leten. Preokupasaun bo’ot liu mak oinsá, viajem estranjeiru nian, liuliu hosi Postugal mai to’o iha Timor-Leste durante Pandemia global ida ne’e, tanba portu balun mak seidauk la’o ho normal tamba kauza hosi pandemia COVID-19. Kona-ba destakamentu profesór Portuguesa sira ne’e mós halo ona diskusaun ho Ministériu Negósiu Estranjéiru no Koperasaun. Iha biban ne’e, Sua. Exia Embaixador Portugal hatutan tan katak, kestaun atu diskute mak oinsá atu organiza aviaun; se aranja aviaun aluga Euro Atlantic airlines ou ho aviaun komersial. Kuandu mai ho aviaun komersial, presu aviaun menus oituan, maibé route mak hosi Lisboa – Kuala Lumpur, Malaysia, no se ho aviaun "Air Timor” rute maka Kuala Lumpur, Malaysia – Dili, Timor-Leste. Kestaun ho Aviaun Air Timor kapasidade no presu presija hare fila-fali.
Iha biban ne'e Sua. Excia. Ministru Edukasaun, Juventude no Desportu apresia tebes ba vizita ne’e, tamba bele loke diskusaun kona ba Profesór hirak ne'e nia viagen. Sua Excia. Ministru Mos relata tan katak, tuir informasaun ne’ebé nia simu, katak kuandu mai ho aviaun aluga EuroAtlantic airlines hosi Lisboa, Portugal direita mai Timor-Leste, sei selu provolta USD $207,680 ou provolta USD $2,307 kada pasajeiru. Iha mós opsaun seluk se mai ho aviaun Komersial Air Timor
MEJD sei komunika ho Air Timor atu bele hare tok kona-ba kapasidade Air Timor nian atu bele tula pasajeiru sira nomos nia presu.
Kona-ba asuntu seluk, hanesan; autorizasaun, kestaun tekniku kona-ba vistu sira, MEJD sei komunika ho Ministeriu relevante. Kona-ba karantina, iha fasilidade karantina Governu nian ne’e fornese ho gratuita, enkuantu, hotel sira presiza selu. Ikus liu dalan ne'ebé sei hili maka oinsá atu Komunika ho Air Timor hodi hare kona ba kapasidade tula pasajeiru hira no presu aviaun.
#Mídia Gab_Mim_1982020
Previous Next

SUA EXIA. MINÍSTRO EDUKASAUN JUVENTUDE DESPORTO APRESIA HO SERVISU GIZ (The Deutsche Gesellschaft für Internationale Zusammenarbeit (GIZ) GmbH) LIU HUSI PROJETU ENDIGO

Dili, 16/ 8 / 2020 – Country Director GIZ Sr. Reiner Schellhaas agradese ba parseria no koperasaun dia’k ho MEJD durante ne’e, no GIZ kompremete atu kontinua supporta MEJD iha área Ensinu Sekundáriu Tékniku Vokasional liuliu kona-ba dezenvolvimentu kurríkulu ne’ebé inovativu no di’ak liu iha futuru. GIZ mos agradese katak, Sua.Exia Ministru, hatan ona no iha tempu besik sei asina MoU ida iha área refere. Ne'e mak pontos Importante ne'ebe aprenzenta husi Country Director GIZ ba Sua.Exia Minístro Edukasaun Juventude e Desporta iha sira nia vizita.
Sr. Reiner Schellhaas ne'e mos esplika liu tan GIZ ho MEJD, hamosu ona kurríkulu innovativu balun iha tinan hirak ba kotuk hamutuk ho Ensinu Sekundáriu Tékniku Vokasional balun liuliu iha parte leste mak hanesan iha Munisípiu haat ; Baucau, Manatuto, Lautém no Viqueque. No mos Projetu Agrofloresta implementa iha Munisípiu haat ho ninia tarjetu atu kuda ai ho montante Milaun 3 no iha suco 40.
GIZ hare katak, topiku Agrofloresta importante tebes atu bele entegra iha kurríkulu Ensinu Sekundáriu Tékniku Vokasional nian, maibe to’o agora seidauk, tanba ne’e, sira iha hanoin atu oinsá bele entegra topiku refere iha kurríkulu Ensinu Sekundáriu Tékniku Vokasional nian liuliu Tékniku Vokasional ne’ebé adere ba MEJD. GIZ komesa ona sira nian servisu iha asuntu refere no hala’o atividade sira mak hanesan;
-Kria to’os ba aprendizagem agroflorestal (Agroforestry Learning Plot),
-Expertu ka trabalhador ba Dezenvolvimentu ida (Development worker) ne’ebé koloka hodi servisu iha área refere,
-Expertu ne’e halo akonsellamentu ba tékniku vokasional agrícola sira atu hadi’ak liu tan métodu no konteúdu ensinu nian ne’ebé hare liu ba sistema agrofloresta espesialmente através aprendizajen prátika sira,
-Kompleta ou halo revizaun atu bele hadia’k liu tan kurríkulu Ensinu nian no materia didátiku no métodu sira ne’ebé iha.
Aleinde topiku agrofloresta ne’ebé temi iha leten, GIZ mos iha hanoin entegra Sistema Dijitalizasaun iha prosesu aprendizajen ne’e. Sistema refere sei iha hanoin atu bele komesa iha Novenbru tinan ne’e. Sistema Dijitalizasaun iha prosesu apredizajen ne’ebé mensiona mak hanesan uza smartphone. Xefe ne'e mos informa liu tan MoU prepara ona no prontu ba diskusaun.
Iha biban ida ne'e Koordenador Projetu ENDIGO, Dr. Theo Ebbers, mos hatutan tan katak, durante ne’e GIZ liu hosi Projetu ENDIGO halo ona parseria servisu di’ak mos ho MEJD liuliu iha área Ensinu Sekundáriu Tékniku Vokasional. Iha parseria servisu ne’e, Projetu apoiu ona Tékniku Vokasional balun iha Munisípiu Lospalos no Viqueque, apoiu refere halai liu ba kapasitasaun sira mak hanesan hasa’e abilidade no koñesimentu no fó mos akonsellamentu ba alunu tékniku vokasional sira hodi bele orienta ba merkadu servisu nian. Projetu refere halo parseria di’ak ho INFORDEPE liuliu iha programa ensinu nian no produs mos manual ba hanorin. Projetu ne’e mos apoiu sentru juventude sira iha teritóriu, no apoiu mos Associação Deficientes de Timor-Leste (ADTL).
Iha biban ikus nian Sua.Exia Ministru Edukasaun, Juventude no Desportu apresia tebes parseria hamutuk GIZ Timor-Leste. Sua.Exia. Ministru hatutan tan katak, MEJD iha 24 Ensinu Sekundáriu Tékniku Vokasional. Kapasidade hosi Ensinu Sekundáriu Tékniku Vokasional minímu tebes tantu professor no rekursu. Razaun ida mak Ensinu Sekundáriu Tékniku Vokasional sira barak mak konversaun hosi Ensino Sekundáriu Jeral. Hasa’e kapasidade iha àrea refere mak programa prioridade ida hosi governu ida ne’e nian.
Sua.Exia. Ministru hatutan tan katak, setór agrikultura importante tebes, hanesan ita hotu hatene katak, agora dadaun governu halo hela programa ba rekopera ekonomia rai-laran, no setor ida ne’e hanesan setor importante tebes. Iha MEJD, aliñamentu ho programa merenda escolar ou ‘School Feeding Programme’, kuaze 300,000 alunu sira hetan merenda iha lor-loron. Aleinde ne’e SE. Ministru hatutan tan katak, Nasaun Alemaña koñesidu tebes ho ninian teknolojia ne’ebé avansadu tebes, hare ba topiku dijitalizasaun hanoin ne’e pasu di’ak idaba dezenvolvimentu setor Edukasaun iha Timor-Leste. Ikus Sua.Exia. Ministru mos hakarak hatene tanba sa mak GIZ impelmenta programa iha deit iha Parte Leste, iha Munisípiu haat; Baucau, Manatuto, Lautém no Viqueque. ?
Hatan ba perguntas Sua.Exia. Ministru nian ne'e, Sr. Reiner hatete katak, ida ne’e iha ona konkordansia antes entre governu rua ne’e. Maibé, alen de ida ne'e, iha mos programa iha setor agrikultura, no mos projetu seluk hanesan projetu iha Setor Maritima, liuliu iha àrea kapasitasaun nian.
Ikus Liu Sua.Exia. Ministru husu atu GIZ mos fo apoio ba eskola tekniku vokasional ida ka rua ne'ebé laos deit iha parte leste maibe dezenvolve liu tan Ensinu Sekundário Tekniku Vokasional ida ka rua nune'e bele sai Ensinu Exemplar ida iha Timor-Leste.
Enkontro ne'ebé partesipa mos husi Sekretaria Ezekutiva hamosu pontos importanete mak hanesan; MoU kona-ba Agrofloresta nian ba Ensinu Sekundáriu Tékniku Vokasional, MoU ne’e tuir planu sei asina iha loron 28 Agostu 2020, No halo diskusaun MoU kona-ba ideia dijitalizasaun iha prosesu aprendizajen nian.
Previous Next

Sua Exia. Ministru Edukasaun, Juventude no Desportu simu vizita husi Ekipa Mary Mackillop Today

Dili,18 de Agusto de 2020 - Ministru Edukasaun, Juventude no Desportu Sua Exia. Armindo Maia simu vizita husi Ekipa Mary Mackillop Today reprezenta husi Country Director, Sr. Alipio Baltazar ho ninia ekipa. Vizita ne'e ho objetivo atu mai komprimenta e mos mai atu hametin liu tan kooperasaun ne’ebé di’ak iha setor edukasaun, juventude no desportu ne'ebe maka durante ne'e halao tiha ona.
Iha biban ida ne'e Sr. Alipio Baltazar mos fo agredese ba parseria no koperasaun dia’k durante ne’e, no Mary Mackillop Today sei kontinua hametin liu tan ninian komitmentu ba koperasaun ho MEJD liuliu iha àrea Literasia Tetum no Programa Formasaun ba Profesór, Sentru Aprendizajem móvel, Programa Formasaun ba inan no aman sira, no Saúde Literasia.
Liu tan Country Director ne'e mos hatutan tan katak, Mary MacKillop Today hanesan vizaun Primeira Santa da Austrália no Irmãs de São José. Organizasaun internasional ne’e existe ona iha Timor-Leste desde 1994 (durante Tempu Indonesia) to’o agora. Mary Mackillop servisu barak liu iha setor Edukasaun, liuliu iha àrea principal haat mak sira kobre hanesan: Programa Literasia Tetum no Formasaun ba Profesór, Sentru Aprendizajem móvel, Programa Formasaun ba inan no aman sira, Saúde Literasia. Area hirak ne'e importante tebes atu halo parseria ho Ministériu Edukasaun, Juventude no Desportu.
Iha Oportunidade vizita ne'e, mos Sua.Exia. Ministru Edukasaun, Juventude no Desportu apresia tebes parseria hamutuk ho Mary Mackillop Today, Ministru Edukasaun, Juventude no Desportu mós hatene no involve diretamente ho organizasaun ne’e, iha tempu uluk wainhira assume kargu iha Primeiru Governu Konstitusional hanesan Ministru Edukasaun, Juventude no Desportu ba dahuluk. Ministru Edukasaun, Juventude no Desportu mos hatene kona-ba prosesu tomak produs livru sira liuliu livru ba dalen Tetun iha Australia. Livru produs mak manual ba profesór sira no livru ba mentor jeral. SE. Ministru mós rekoñece tulun ne’ebé uluk kedas hetan hosi Mary Mackillop Today, liuliu hosi Madre sira ne’ebé supporta hosi Australia.
Iha ikus nian Country Director, Sr. Alipio Baltazar mos hatutan tan katak, programa sira ne’ebé Mary Mackillop Today halo, aliña ho programa Governu nian. Iha Novembru 2019, Mary Mackillop Today mós assina MoU ho MEJD liuliu ho INFORDEPE ba tinan 3 iha área formasaun ba profesór sira. Laos deit formasaun refere, maibé produs mós halo aliñamentu ho programa Governu nian. Hanesan exemplu, formasaun ba profesór sira sei iha durasaun tinan ida, depois de ida ne’e Profesór sira sei hetan sertifikadu, sistema hotu tuir sistema INFORDEPE nian. Profesór sira ne’ebé tuir formasaun refere wainhira remata formasaun bele ba kompete ba vaga sira ne’ebé mak governu fo sai.
Enkontro ne'bé partesipa husi Assesor Prinsipal, Sekretaria Executiva ne'e foti pontus importante ne’ebé mak presiza atu hare liu mak hanesan ; INFORDEPE kontinua halo kolaborasaun ne’ebé di’ak ho Mary Mackillop Today, MoU ne’ebé asina ona ho MEJD liuliu INFORDEPE ba tinan 3 iha área formasaun ba profesór sira, Importante atu bele aliña programa hirak ne’ebé halo hosi parseru dezenvolvimentu sira ho programa Governu nian.
#Mídia Gab_Mim_1882020
Previous Next

MINÍSTRU EDUKASAUN, JUVENTUDE NO DESPORTO VIZITA INFORDEPE HODI HARE BESIK LIU TAN FATIN FORMASAUN BA DOCENTES NO PROFISSIONAIS SIRA

Dili, 14 / 8 / 2020 – Prioridade haat mak sai Pontu importante ba Instituto Nacional de Formação de Docentes e Profissionais da Educção/INFORDEPE iha vizita Sua. Exia Minístru Edukasaun, Juventude no Desportu Dr. Armindo Maia ho xefe Gabinete iha sexta feira semana liu ba.
Iha vizita ne'e Prezidente, Vice Prezidente no Xefe Departamentu husi INFORDEPE aproveita halo enkontro hodi hato'o sira nia servisu no preokupasaun balun ne'ebe presija atu MEJD tau iha prioridade ba tinan ne'ebe tuir mai.
Prioridade ne'bé hato'o husi Diretór Manuel Atok ne'e, iha pontos haat ne'ebé maka impotante liu, hanesan ; revizaun ba statuto, liu-liu atu fo liu tan kompetensia ba autonomia ba jestaun finansa nune'e INFORDEPE bele jere nia osan rasik hodi labele difikulta aktividade formasaun no administrasaun sira seluk, Infrastrutura edifísio labotório,armazen lozistika,sala formasaun,dormintorio ne'ebe at houto ona, no valeta ka esgoto ne'ebe maka liu fera iha klaran kuando iha tempo udan sempre hamosu inundasaun.
Hafoin hato'o tiha preokupasaun hirak ne'e Sua.Exia Minístru Edukasaun, Juventude no Desportu akompaña husi strutura tomak INFORDEPE lao halo inspesaun ba fatin hirak ne'ebe maka temi iha aprezentasaun ne'e, nune'e bele besik liu tan realidade hodi bele hetan konsiderasaun nune'e bele iha planu. inspesaun ne'ebe halao durante minuto tolu nulu nia laran ne'e, sai materia Importante ba ulun boot MEJD ne'e, hodi tau iha planu no bele prepara ba futuru. INFORDEPE iha Centro Regionais tolu Baucau,Maliana no Manufahi Same. Entre uma sira ne'ebe maka INFORDEPE iha, iha nasional maka Kondisaun Grava tamba laiha orsamentu ba manutensaun.
Ikus nian wainhira remata inspesaun ba fatin hirak ne'e, Sua.Exia Minístru Edukasaun, Juventude no Desportu fo nafatin korazem ba strutura tomak INFORDEPE nian atu nafatin kontinua servisu maske mukit iha fasilidade. MEJD sei tau iha konsiderasaun iha planu maske la kompletu maibe sei halo "faze por faze "
#Mídia Gab.Mim 140820

Pesquisa