Ainaro, Tersa-feira 19/03/2024- Sekretáriu Estadu Ensinu Sekundáriu Jerál no Ensinu Sekundáriu Tékniku Vokasionál Sr. Domingos Lopes Lemos akompaña husi Sekretáriu Ezekutivu Gabinete Sekretáriu Estadu ESJESTV Sr. Marcelino de Deus hala'o vizita ba Eskola Sekundáriu Tékniku Vokasionál Gil da Costa Monteiru Oan Soru no Eskola Sekundáriu Jerál Fernando Lasama de Araújo Ainaro.
Iha visita ne'e Exelénsia haree diretamente kondisaun eskola rua ne'e liuliu ekipamentu Informátiku ne'ebé mak eskola refere iha.
Exelénsia Sekretáriu Estadu mós sujere ba manorin na'in iha eskola rua ne'e atu hanorin estudante ho di'ak tanba professor ne’e hanesan vokasaun ida.
Enkuantu, Eskola Sekundáriu Tékniku Vokasionál Gil da Costa Monteiru Oan Soru profesór/a na'in 20, estudante hamutuk 194, eskola Sekundária Jerál Fernando Lasama de Araújo profesór/a hamutuk na'in 24, estudante na'in 1637.
#Média Gabinete SEESJ&ESTV
