Suai: sexta-feira, 12 abríl 2024
Sua Exelénsia Ministra Edukasaun Dra. Dulce de Jesus Soares hamutuk ho dirijente sira husi Ministériu Edukasaun, partisipa iha misa agradesimentu tomada de posse ba manorin ingresu espesiál no rejime kareira dosente, iha Parókia Suai, Munisípiu Covalima.
Iha homília, Amu Selebrante Pe. Sebatião Eugénio da Cruz Correia husu ba manorin sira atu emita tuir mestri bo’ot Jesus Kristu atu hola-an iha knaar ida hodi tau matan ba oan-sira liuhusi hanorin.
“Servisu ho domin mak importante, tanba bainhira ita halo buat hotu-hotu ho domin mak bele valoriza ita-nia profisaun nu’udar servidór no servidora ida”, dehan Amu Selebrante.
Amu Selebrante ne’e hatutan, dalabarak ema hanoin no servisu, tanba de’it bele hetan netik buat ruma, maibé saláriu ne’ebé hetan ne’e mundu nian, nune’e hanorin ho did’ak atu labarik sira ne’ebé manorin na’in sira hanorin, aban bainrua bele hetan buat ne’ebé di’ak.
#jornalistaluis
#MédiaME
