Seidauk iha Biblioteka no falta sala
Iliomar. Eskola Ensinu Báziku Públiku Filial Ira­darate Iliomar total alunu hamutuk 189, ho profesór na’in hitu, (7), inklui profesór kontratadu na’in 1.

Iha eskola ne’e sala né’en, sala tolu maka diak uza ba prosesu aprendizajen, no sala tolu seluk sei áat hela maibé iha prosesu atu hadia iha tinan ida ne’e.
Kestaun ne’e hato’o husi koordenadór Ensinu Báziku Filial Iradarate, Paulo Pinto iha nia knár fatin loron 09/09/2014.

Difikuldade ne’ebé profesór sira enfrenta maka sala. Tamba, eskola sala tolu de’it la akumula tomak alu­nu 189 ne’e dala ida de’it. Ne’duni oráriu prosesu aprendizajen fahe ba eskola lorokraik, no dadér.

Ba Buletin Sapiénsia, nia hateten katak, Alein falta sala, enskola ida ne’e mós enfrenta falta profesór atu hanorin alunu sira ne’duni husu ba ministériu edukasaun atu aumenta tan númeru profesór mai iha eskola ne’e.

Kona-bá Livru, oras ne’e dadaun ami iha de’it livru portugés ba alunu 50 Ano ho 60 Ano de’it. Livru bá siklu dahuluk iha maibé naklés barak ona.
Entretantu, dalen ne’ebé profesór sira úza hodi ha­norin iha sala laran maka Tetun no Portugés. Maibé, dalaruma tama mós lian inan tanba alunu sira husi siklu dahuluk maioria ladauk kumpriende esplika­saun lian Tetun no Portugés. Entaun sira uza lian inan, hodi akompaña Tetun no portugéz iha prosesu aprendizájen.
Ho lian inan ne’e atu halo estudante sira kompriende liu tan. Bá siklu daruak, profesór sira uza lian portu­guéz ho lian Tetun, tanba sira hatene no kumpriende ona lian Tetun no Portugés ituan.

Kadeira ho meza ne’ebé mak tempu uluk ajuda husi UNTAET ne’e maka to’o ohin loron balun sei uza, no balun maka áat ou la uza ona. Ministériu Eduka­saun mós aloka kadeira ho meza ba 50 ano ho 60 ano, hamutuk ha’at nulu resin. Maibé seidauk to’o ba nú­meru alunu sira iha eskola ne’e.
Paulo aumenta liutan katak, Kestaun seluk ami in­forma ba ME, ami nia eskola seidauk iha biblioteka!! Iha ne’e labarik sira apresia hakarak aprende no es­tuda maibé livru laiha.

No mós husu atu hadi’a lalais ami nia sala tolu (3), ne’ebé sei áat atu bele ajuda tan prosesu aprendizájen la’o normal !!
Kona ba Merenda eskolár, ba alunu sira di’ak. Maibé difikuldade Estrada maka enfrenta bain­hira iha tempu udan, ami labele ba foti merenda nian iha EBC ne’ebá tanba tenke hakur mota.

Parte seluk aihán ne’ebé maka konsume iha programa merenda eskolár, maka hanesan fós husi governu. Maibé dalaruma fós to’o tarde, entaun profesór sira prepara merenda eskolár hanesan aihán produtu lokal, fehuk, talas, aifarina, hudi no aihán seluk tan.

Preokupasaun hirak ne’e, Minis­tériu Edukasaun kumesa prepara ona rekursu umanu kona-ba uzu no jestaun loke biblioteka atende ba es­tudante sira iha eskola ba profesór sira.