DILI – 13 Sep 2013 - Prosesu verifikasaun ba dadus professores voluntariu husi tinan 2012 ba kotuk, hetan ona ninia numeru provizoriu. Tuir dadus Ministeriu Edukasaun nian, professor voluntariu hamutuk rihun hat atus rua, rua nulu (4.220) nebe namkari iha teritoriu Timor laran tomak. Infelizmente, too agora governu seidauk fo osan ruma hodi valoriza sira nia servisu.
Dili,14/9/2013 – Eskola Katolika Sao Miguel Tasi Tolu Dili, Sabadu (14/9/2013) komemora loron aniversariu ba dala 12 desde harii iha tinan 2002.
Komemorasaun loron aniversariu eskola Sao Miguel nee hetan prezensa husi Ministru Edukasaun, Bendito Freitas no Sekretariu Estadu Komunikasaun Sosial Nelio Isaac Sarmento.
Lautem - 03 de Setembru de 2013 - Komunidade Aldeia 30 de Agostu, suku Fuiloro, sub-distritu Lospalos, distritu Lautem, entrega rai ektár 10, ba Ministériu Edukasaun ho objetivu atu harii Eskola Politéknika Turismu, Otelaria no Ospitalidade. Deklarasaun entrega rai ne’e, aprezenta husi Administradór Distritu Lautem, Zeferino dos Santos Sequeira, iha salaun edukasaun distritu Lautem, sub-distritu Lospalos, kuarta-feira, 28 Agostu.
Dili, 02 de Setembru de 2013 - Estudante na’in 37.919 hosi territóriu Timór-laran tomak, hahú loron 2 to’o 4 Setembru 2013, tuir Ezame Nasionál ba tinan letivu 2013.
